城中鏡：黃建業戰衣賞下屬禦「寒」
呢排天寒地凍，眼見唔少地產代理為咗做新盤生意，晨早凍冰冰拉客，好辛苦o架！美聯集團主席黃建業好識做，親自挑選「黃金戰衣」，送畀住宅部行政總裁布少明，收到呢份獎品，布少明真係暖到入心。
黃建業（右）親自挑選「黃金戰衣」，送畀住宅部行政總裁布少明。
黃建業早已講過今年樓市係「一手天下」，果然新盤大戰日日爆發，一班手足真係馬不停蹄，搶奪市佔率，紮職冇耐嘅布少明，同埋各區統帥，喺嚴寒冷鋒下奔赴各區調兵遣將。
黃建業呢位老細點會唔知佢哋辛苦吖，於是親自挑選「黃金戰衣」相贈，希望為勞苦功高嘅將領抵禦凜冽寒風。佢揀嘅戰衣原來都好有意思，布少明獲贈嘅「戰衣」喺西裝品牌，目的係體現「We are all brothers and sisters （親如兄弟姊妹）」嘅團結精神。
黃建業仲話呢隻牌子向有「總統御衣」嘅美譽，美國歷屆總統都有着，現任總統奧巴馬就職當日，亦身穿呢個品牌嘅服裝和配飾。黃主席原來係希望布少明穿上「戰衣」之後，能夠像奧巴馬一樣為美國帶來連串「改革」。
