本港二十一日禁雞期屆滿，雖然只有超齡「老雞」應市，但餓雞市民卒之都叫做有活雞食嘞！食物及衞生局局長高永文仲頂住業界壓力，決定喺未搵到本地雞同內地雞分流地點之前，禁止內地雞輸港四個月，以減低禽流感襲港嘅風險，總算做到把關嘅角色。之不過，市民食活雞嘅習慣係病毒傳播嘅根源問題，當局要小心處理，咪又搞到怨聲載道。
