近日市區氣溫一直徘徊喺十度左右，市民返工返學就算包到成隻糉咁，仍然會凍到騰騰震。立法會議員「慢必」陳志全就睇準呢點，喺農曆新年前去內地工廠搵人整咗一萬個印有佢嘜頭嘅暖包，落區派發畀新界東居民，其後發現反應熱烈，於是拿拿臨加製一萬個，每個成本二元，總共使咗四萬元，差不多一個平價年宵攤位嘅租金，認真大手筆。
