政壇：龐愛蘭暢遊冰島洗凝脂

代表公民力量喺前年出選立法會新界東選區嘅沙田區議員Scarlett龐愛蘭最近好逍遙，除咗做地區工作之外，仲做埋電台節目主持，閒時又周遊列國。近日佢就同我哋分享咗一張去冰島旅行嘅浸溫泉相，名副其實係「溫泉水滑洗凝脂」，係咪好性感呢？不過，Scarlett話囝囝就覺得張相個感覺好健康，所以先至敢同我哋分享喎。佢仲話冰島好凍，又有火山，感覺又凍又熱。佢話冰島經濟不景，但國民依然咁開心，全因佢哋有正面人生觀，好值得學習。