SUN搞作：網絡小說：做人父母甚艱難

「預訂床位好小事，我唔單止訂好床位，連奶粉都買定幾年分量，左撲右撲實無我份，你知喇，生出來無嘢食，同第三世界啲饑民有咩分別？」孕婦B回應。

「咁就叫有計劃？唔好笑死我喇。」孕婦C插嘴。「咁你有咩大計咁巴閉？」孕婦C聽到，自豪地說︰「唔講你哋嗰啲小準備，我仲攞晒全港幼稚園嘅報名表，又報埋啲小提琴、芭蕾舞之類嘅興趣班，自己仔女點可以輸喺起跑線上？」身旁的孕婦D猛力搖頭，「咁樣為人父母唔得o架！」

其他孕婦異口同聲︰「咁仲唔夠？」

孕婦D苦口婆心，「好心你哋學吓我喇，我已經幫肚入面嘅囝囝搵定老婆，咁佢遲啲輪公屋，就唔使用單身人士嘅身份去申請，肯定唔使畀人掃出條隊喇！」