可怒也！掌握香港集體運輸命脈、年年勁賺過百億嘅港鐵，甩纜停電壞車事故不斷，連李衞都覺得係香港人嘅恥辱！三日唔埋兩日就跪低，到底班港鐵高層醜唔醜？李衞真係要問吓佢哋……

李衞：港鐵事故一單接一單，你哋呢班港鐵高層知唔知衰？

高層：知！我哋次次都有道歉，你唔見咩？

李衞：裝模作樣又有屁用！杜絕事故再次發生先至係重點！

高層：我哋都冇計，唔小心入錯咗品質有問題嘅零件，盡快換啦。

李衞：你哋品質都好有問題，幾時換埋？

高層：唔好呀，我哋出咗名高薪低能，出到去人工縮水，咪要逼港鐵返工？我哋決心反省！

李衞：你班友仔，死到臨頭先覺悟？

高層：嘻嘻，港鐵咁多事故，要搭佢？可免則免啦！

第一手消息請下載on.cc東網iPhone/iPad/Android/Windows Phone Apps