城中鏡：何倍倩偷師學韓式化妝

韓風襲港好一段時間，仲愈吹愈勁，就連恒生新抱何倍倩都自爆近期中咗韓劇毒，所以對韓國文化特別有興趣。佢話因為自己做開保養品呢一行，所以更加要追得上最新嘅扮靚潮流，而咁啱有一位韓國嘅化妝師嚟咗香港，咁當然機不可失啦，佢就順道跟呢位韓國化妝師學習韓式化妝，自己仲畀塊面化妝師示範點化添！

化完妝後，大家係咪覺得佢多咗韓國feel呢？

韓籍化妝師為何倍倩化個韓國妝。

何倍倩話，原來韓國化妝師會特別喺塗粉底前，先塗一層珍珠粉底，咁做可以令皮膚亮麗通透，而且更加貼服喎，呢次真係偷到師嘞！另外，佢又透露因近期正拍攝一個美肌煮食視頻，所以除咗煮食之外，亦會教埋護膚方法。