早前發起「驅蝗行動」嘅反對個人遊團體「反赤化、反殖民」發言人梁金成，被踢爆係新民主同盟成員，仲被人批評佢哋攪亂香港、打爛旅遊同零售業打工仔嘅飯碗，神憎鬼厭。尋日新同盟立法會議員范國威忽然右眼上角貼住膠布、眼腫腫咁返立法會開會，大家都以為佢因為「驅蝗行動」而受牽連，搞到畀人打。范國威就急急解釋，話係啱啱割咗粒脂肪瘤啫，唔係畀人打。佢本身係西貢區議員，佢話返到區議會開會時，都畀人取笑佢做乜搞成咁喎！

范國威話只不過眼角啱啱割咗粒脂肪瘤，唔係畀人打。

第一手消息請下載on.cc東網iPhone/iPad/Android/Windows Phone Apps