SUN搞作:SUN官場現形記:向下流動
財爺鬍鬚曾預告財政預算案會減甜,致有中產團體慢駛請願,要求繼續派糖,紓緩中產壓力。喺請願途中,中產團體咁啱又見到鬍鬚曾,一場辯論就此展開。
中產︰你唔理民間疾苦!
鬍鬚曾︰點會?政府對扶貧安老出手好闊綽。
中產︰咁我哋呢?日日預告減甜,政府唔使理我哋中產喇!
鬍鬚曾︰你哋唔使太擔心,就算減甜你哋好快都有得受惠。
中產︰你究竟喺度講咩?減甜又點受惠呀?
鬍鬚曾︰呢啲係部署。
中產︰部署?!
鬍鬚曾︰當你哋中產唔掂嗰陣,個個變晒基層,啲扶貧措施咪幫到你哋囉!
中產︰@##$$%%%^