仁濟醫院董事局尋日舉行新春酒會，林建名嘅女兒林煒珊以第二副主席身份出席。提到快將擔任主席一職，佢好謙虛咁話：「好多嘢都唔識，我會盡量做，做得幾多得幾多，社會風氣愈嚟愈唔協調，希望做多啲正面嘢幫到人。」

林煒珊曾帶女兒探訪殘疾兒童，希望女兒明白幸福非必然。

被問及點樣幫助小朋友同老人家時，林煒珊認為唔單止係金錢，小朋友同老人家亦需要關懷。佢話曾經帶囡囡探訪殘疾兒童，又話：「我叫佢同坐輪椅嘅小朋友玩，佢仲好細，唔明坐輪椅點同佢玩。我要畀佢知道有啲小朋友冇咁幸福，唔係所有嘢都係必然。」

第一手消息請下載on.cc東網iPhone/iPad/Android/Windows Phone Apps