政壇：曹宏威籲港人防範落雪

以往香港打吓風，超市隨即被搶購一空，如果真係落雪，香港一定好混亂，所以曹博士就叫大家防患於未然，例如入多兩包米，買多兩張被，做足預防措施，因為一旦香港出現氣候巨變，唯一能夠做嘅就係長居家中避難，佢仲話唔係講笑。

講完落雪，佢又再講番老本行化學，近年佢雖然無再教書，仍然無放棄化學，近期仲學人出食譜，但唔係普通教人加幾多糖嗰啲，而係以化學角度講解煮食秘訣。例如炆同燉喺化學上到底有乜分別？點解以同一時間煮同一材料，後者會較易令材料出味呢？原來原因在於溫度二字。至於其他入廚化學常識，佢就大賣關子。