恒生早幾日舉辦新春團拜酒會，同一千五百個客戶拜年。今次個酒會喜氣洋洋，恒生仲特登搞咗個鳳陽花鼓舞蹈表演開場，熱鬧到爆。恒生副董事長兼行政總裁Rose李慧敏就代表公司祝賀客戶馬年行好運，仲話好多謝佢哋咁多年嚟對恒生嘅支持！

李慧敏（右三）同一班管理層向客戶拜年。

Rose之後仲同一班管理層去祝酒，包括執行董事兼環球銀行及資本市場業務主管馮孝忠，仲有林燕勝、徐振文等，祝大家好似隻駿馬咁活力充沛、事事順利、鴻圖大展、馬到功成。祝完酒，客戶通場走，成個場好似嘉年華咁，又有攤位活動，又有拋球、扯鈴同轉碟呢啲懷舊玩意，真係好玩到震。諗諗下，其實恒生下禮拜一同母公司滙豐一齊派業績，希望恒生今年業績靚靚仔仔，派多啲息益吓小股民啦！

第一手消息請下載on.cc東網iPhone/iPad/Android/Windows Phone Apps