設單身配額恐毀置業夢
【本報訊】本港樓價長年高企，四年來一直等買居屋的80後青年梁業鵬由結婚等到「仔都生埋」，至今仍未圓置業夢。對長策會倡在每期居屋撥出一至三成單位予單身人士，梁業鵬不禁大聲嗌「唔好啊！如果再畀啲配額單身，咁家庭名額咪會少啲，咁我抽到嘅機會咪又低啲？依家我個仔三歲，我驚等到佢讀中學都未買到居屋！」
梁業鵬由結婚等到兒子三歲仍未能購得居屋圓置業夢。
梁業鵬夫婦結婚五年，期間一直申請居屋，包括白表免補地價購買第二市場居屋也曾申請，但次次落空，「唔知係咪唔好彩，每次都排到差不多最後，樓都無得揀。」
「單身者應同父母住」
他原本期望今年年底新居屋推出，有機會圓置業夢，但長策會認為要回應年輕人的置業需求，建議興建更多居屋的同時，留回一定比例單位予合資格單身申請者，梁業鵬大表反對，「單身人士應該同父母住。」又指「我哋組織咗家庭，人工又高過公屋入息限額，但又買唔起私樓，係有迫切住屋需要（Need），單身人士買樓目的是想改善生活，佢哋係（Want）。」他指每次申請居屋也爭崩頭，無理由要另撥配額予單身人士。
