老舖被領匯趕絕，面臨結業或被迫轉型，絕非單一個事件。有監察領匯的團體指，領匯過往多次以翻新商場為名，大幅抬高舊商戶租金，不但令不少小舖結業，更令商場轉趨單一化，失去原有特色。

「以前房署年代，就算翻新商場，之後都會畀舊租戶優先租舖，但依家領匯一係就大幅加租，一係就要求舊租戶同其他新租戶一齊投標，變相趕絕佢哋。」領匯監察主席陳寶瑩表示，領匯趕絕小舖的個案一直有所聞，「依家啲舊舖都畀佢趕得七七八八」。

「不斷加租，小舖畀唔起，最後咪全部變晒連鎖店舖，個個商場一模一樣，變到無晒特色。」她指，小舖「被消失」，不但令商場變得單一化，亦令市民生活變得不便，「以前買支筆或者去街市買餸，落樓就可以，依家可能要行到好遠先買到。」

第一手消息請下載on.cc東網iPhone/iPad/Android/Windows Phone Apps