「迫害呀！迫害呻吟自由呀！」淫賤黎一返到公司就嗌到鬼殺咁嘈︰「壹全霉係咁畀人告，香港又告台灣又告，仲唔係想壓迫呻吟自由？」少膽虫心諗，《爛果》向來都係創作力第一，成日作新聞，唔畀人告先奇，但真話又點可以講出口︰「腦細，正所謂樹大招風，成日畀人告，即係話我哋有影響力喇！」

「嘿，講呢啲！」淫賤黎抽一抽褲頭︰「咁打官司法，遲早畀人告到我甩褲，快啲同我諗計拆掂佢。」又要作新聞，又驚人入稟，真係難拆解過DNA。好在少膽虫憑住毅力同勇氣，終於度到條絕世好橋︰「有計喇！由聽日開始，要啲記者同編輯簽咗健康聲明先開工，證明自己身體同精神狀態可以應付寫稿編版工作。」

淫賤黎晒頭︰「九唔搭八，簽嚟有乜用？」腦細即係腦細，諗嘢都慢啲，少膽虫耐心解畫︰「啲記者編輯簽晒聲明，到時若果真係出事畀人告，就可以將責任推晒畀佢哋，咁公司就唔使孭上身啦！」淫賤黎當堂笑晒︰「虫虫真係抵錫，啜！」

第一手消息請下載on.cc東網iPhone/iPad/Android/Windows Phone Apps