原來經已兩年，但老廉仲未有實質嘅懲罰對付絕代雙貪，貪曾「歎盡省港澳、貪盡海陸空」，貪湯則被揭濫用公帑宴客送禮及瘋狂外訪，兩位仁兄貪事不相伯仲，至今仍逍遙法外，難怪兩人咁開心喺度談歡。

貪曾

貪湯

貪湯：老曾，又話查我哋單嘢，都查咗咁耐，我哋咪咩事都冇！

貪曾：老廉得把口啫，查？查到啲乜呀？我哋自得其樂。

貪湯：係囉，鮑魚照食，茅台照飲，飲呀！

貪曾：你歎茅台，我歎紅酒，又香又醇，好酒好酒！

李衞：你哋雙貪仲唔知衰，夠膽出嚟獻世？

貪曾：衰？衰在老廉辦事不力呀？

貪湯：定係冇證據呀……

李衞：老廉查咗咁耐都未close file，就知啄實你哋唔放啦！仲未識驚！

貪曾：驚甚麼？我早排先去完新春酒會，貴人事忙！

貪湯：淡定有錢剩呀！

李衞：你哋唔知老廉一哥出嚟講，會繼續追殺你兩個咩？貪湯你累老廉成立四十年最醜，貪曾查兩載都唔肯放手！你哋好快落鑊啦！

雙貪：唔係啩！咁食多幾隻鮑、飲多幾杯茅台先，做隻飽鬼好過做隻餓鬼吖嘛！

第一手消息請下載on.cc東網iPhone/iPad/Android/Windows Phone Apps