政壇：霍震宇有同家人食團年飯

已故全國政協副主席霍英東家族嘅爭產案，令霍家幾兄弟姊妹對簿公堂，傷晒和氣，掀起官司嘅原告霍家長房三子霍震宇仲二度要求重開爭產案，上個月被法院駁回，法官當時亦下令霍家成員最遲要在四月初，向法庭提交執行和解協議嘅進度報告，但案件現已提前於本月十九日（下周三）在高院提訊，而霍震宇早前亦就高院下令擱置爭產案的裁決提出上訴。雖然官司未解，但似乎無損霍震宇嘅心情，日前出席一個新春酒會時，佢笑容滿面，問佢過年時有冇同兄長震霆及震寰團年？震宇好爽快答話：「有，同媽媽一齊食團年飯！」