除旺角及銅鑼灣的旅遊區的街頭小食面對加價潮，其他地區的小食店也面對同樣問題，位於北角的一間牛雜小食店，開業八年，在網上獲得不少好評，但礙於營運成本太貴，預計於下月結業。老闆湯先生無奈道，「現時小本經營嘅食店，難以維持收入，愈來愈多小食店面臨結業，我擔心將來呢種街頭小食會消失。」

湯先生指營運成本太貴，即將結業。

湯先生在八年前，花數十萬元開設該間小食店，「當年舖租只係兩萬蚊，依家已增至五萬蚊，多過一倍！」他慨嘆，街頭小食不能大幅加價，只能以出售量多而賺錢，但就算客人多，都難抵銷租金及工資。

「我真係好唔捨得間舖頭，當時一心諗住開一間具有傳統風味嘅小食店，想客人食得開心，到依家發現生意難做，仲講乜飲食理想。」

當他被問及將來的打算時，他唏噓謂，「結業之後，暫時未知去向，但仍想留在飲食業，做咗咁多年，唔做呢行，唔知可以做乜。」

第一手消息請下載on.cc東網iPhone/iPad/Android/Windows Phone Apps