加價浪潮席捲街頭小食！農曆新年後，於旺角、銅鑼灣旅遊旺區的街頭小食店，大部分以「新價示人」，加幅達一至四成，同時也有小食店為求賺多啲絞盡腦汁，包括實行以兩串起計，甚至以碗裝代替一串串，改為一碗三十多粒魚蛋的「家庭裝」銷售。多名小食店老闆大吐苦水指租金、來貨及工資均持續上升，迫於無奈加價。經濟學者指街頭小食價錢較低，即使加幅較通脹更高，市民亦可接受。亦有食家擔心若市面一窩蜂以碗代串，食一碗已飽到滯，無法享受其他美食，令「呢度篤一串，嗰度篤一串」的香港特色，變成集體回憶。
一間小食店以碗出售魚蛋，大碗有三十多粒，售價四十元。
有小食店指近年來貨平均加了一成。
港式街頭小食，深受港人及旅客歡迎。
旺角及銅鑼灣的小食店，部分加價一至四成。
周老闆指開業至今六年，舖租加了六成。
牛雜$20
燒賣$8
碗仔翅$12
雞蛋仔$12
大大碗食到滯
李先生（學生）：「一串魚蛋由六蚊變咗七蚊，我都明白市道艱難，所以會支持街頭小食。」
丁小姐 （教師）：「 唔贊成小食要一碗碗賣，咁即係逼客人買多啲，容易食到滯。」
「以前用三十蚊『掃街』，已經可以食到飽，依家用六十蚊都未必夠。」九十後阿俊抱怨街頭小食愈來愈貴，小食價格已不再便宜。
記者在農曆年過後，於旺角西洋菜南街一帶及銅鑼灣怡和街、景隆街一帶，考查五十多間小食店的小食售價，它們分別售賣魚蛋、燒賣、魷魚、雞蛋仔及格仔餅等。結果發現，大部分小食店於農曆年過後，把小食售價上調一至三元，例如有店舖將八元一底的雞蛋仔，加至十一元，加幅達三成七。
雞蛋仔店拒跟風
「我哋至少加一蚊，魚蛋、燒賣由七蚊串，變咗八蚊串，雞蛋仔就由十蚊加到十二蚊。」一間小食店負責人指出，加價後，顧客也沒有反感，生意不錯。此外，有小食店為求多銷，規定小食不能只買一串，一定要兩串買，亦有小食店以碗裝售賣魚蛋。
其中一間的店員指出，魚蛋分大、細碗出售，細碗二十元，大碗則由去年的三十元，加到現時的四十元，「一碗有成三十幾粒，你畀咁多錢，我就畀番咁多粒你，絕對冇呃人!」
該名店員又指，「好多內地遊客幫襯，人哋一家大細，係要食咁多！」不過也有客人不滿做法，「其實我根本唔使食咁多，依家焗住買。」
對於這種促銷方式，也有小食店堅拒跟風。賣雞蛋仔的廖老闆指，認為客人有選擇自由，絕不會規定要買兩底雞蛋仔。「客人唔想食咁多，變相唔會幫襯仲慘，所以我唔會跟風。」
六年來加租共60%
在銅鑼灣經營小食店六年的周老闆指出，租金、來貨價及工資支出續年遞增，最近舖租加了兩成，食物的來貨也加了一成，令他迫不得已要調整食物售價。「六年嚟，舖租共加咗六成，利潤愈來愈少，就嚟做唔住！」
「小食由內地來貨，人民幣升值，令物價上漲，相信仲有排升。」香港陳記食品集團董事長陳勇前舉例說，魚蛋成本大約四角一粒，若小食店賣八元五粒，有六元利潤，「但扣埋舖租、工資，可能唔賺得好多。」
嶺南大學經濟系主任何濼生表示，成本上升，小食店肯定會將差價轉嫁消費者。「加嘅數目都係幾蚊，況且又唔係日日食，市民未必咁在意。」他指，街頭小食價錢較低，加幅高於通脹市民亦可接受。
第一手消息請下載on.cc東網袁樂雯
