「毛紡大王」曹光彪孫女Veronica曹穎惠早兩日現身紐約，出席當地舉行嘅名牌秋冬時裝騷，仲身穿該品牌服裝。佢透露只係到咗紐約兩日，之前同老公去咗俄羅斯欣賞冬季奧運會三日，佢仲話：「呢度仲凍過俄羅斯，我自己對運動好有興趣，我玩開嘅都係冬季運動，好似冰上曲棍球、snowboard之類。我老公係俄羅斯人，今次冬奧安排得好好，佢覺得好自豪，我知道香港仲有一個代表參加比賽添。」

曹光彪孫女曹穎惠去完俄羅斯睇冬奧，就飛去紐約出席時裝騷。

Veronica話老公同佢前後腳到紐約，仲笑言帶定利是嚟，可惜無用武之地。另外，佢連踩兩場，仲出席同時舉行嘅另一個品牌嘅女裝系列秋冬2014時裝騷添！

第一手消息請下載on.cc東網iPhone/iPad/Android/Windows Phone Apps