城中鏡：「金融界林峯」2‧22拉埋天窗

Kenny身高逾六呎，但佢話配偶嘅身高唔係主要考慮，最重要係夾。原來Innyce係空姐， Kenny回想兩人嘅空中情緣，話當時佢到新加坡公幹，喺飛機上遇到Innyce，佢講笑話當時年少氣盛，口花花、心口寫個勇字，主動同佢傾偈，先識到未來太太。

之不過，投資就唔可以一味靠大膽。Kenny話佢哋早已開咗個聯名戶口，早幾年就做澳元同紐元外幣定存，當時外幣強勢再加上約兩厘年息，回報都算幾穩定，但近年外幣息低，所以佢哋就轉買歐美股票基金，相信回報會比較吸引。

除咗基金投資外，佢哋近期就密密睇樓，考慮當樓價回軟，就會入市添置安樂窩。