SUN搞作：少膽虫手記：壹全霉冇水
撞正中西情人節同一日，天氣鬼咁凍，單身寡佬嘅少膽虫抵擋不住寒風侵襲同寂寞難耐，結果成日喺公司度「乞乞乞……乞嗤！」鼻水係咁流，變咗條鼻涕虫。
流咗大半日鼻涕，少膽虫終按捺不住，走到淫賤黎面前，「係咪想請半日假返屋企唞吓呢？」少膽虫都未出聲，就畀淫賤黎截胡。不過淫賤黎始終係腦細，鬼知條虫諗乜，「腦細，我係想請番個醫生返嚟壹全霉，就算你同我頭暈身，好歹都有個醫生睇實，唔會咁易有事！」「請醫生返嚟？邊有咁多錢呀？食懵你咩！去睇十蚊公司醫生啦！」
少膽虫並不罷休，續講：「腦細，有虫度橋，先至吊得住《爛果》條命，萬一虫有啲咩事，冇人幫到腦細你呀！」淫賤黎聽落又覺得有道理，不過窮到燶嘅公司何德何能有水請醫生，「人哋運動員想要個隊醫跟去冬奧比賽都傾唔掂數啦，你條虫癡心妄想要個醫生服侍你？嗱，呢度十蚊畀你嘅！」
少膽虫
