貪曾、貪湯同化學家一齊去海邊，由於雙貪就好似蟑螂一樣，趕極都唔走，化學家一早就收到要「解決」佢哋嘅命令，化學家因為呢個問題，苦惱咗成個上晝。佢心諗，自己又唔識殺人，如果畀貪曾貪湯知道自己有不軌，話唔定會畀兩個奸人陷害，返唔到轉頭，於是佢就設咗個陷阱畀佢哋。

去到海邊，化學家問雙貪：「你哋知唔知我有咩外號？」雙貪搖頭，化學家話：「掘金伽俐略！我研究過，呢個海有好多金條游嚟游去，又名貪海。」貪曾一聽到，即刻話：「我要研究吓海洋運動！」然後好興奮咁跑落海，貪湯唔執輸，即刻話：「我要研究海浪嘅曲線。」於是頭也不回咁衝落海裏，過咗好耐，兩個人都無再返嚟，於是，化學家喺任務完成紙上面，提筆寫下：「死海─貪曾同貪湯可溶於水。」

喂

第一手消息請下載on.cc東網iPhone/iPad/Android/Windows Phone Apps