地下火車又出事趕客，仲要撞正繁忙時間，上班族梗係嬲到爆。咁啱運房局局長炳炳行過，自然成為眾人嘅出氣對象。
上班族︰嘩，地下火車「起雙飛」！
炳炳︰你講埋啲咁嘅嘢o架……
上班族︰我係話地下火車連環壞門，兩小時兩「逐客」呀！
炳炳︰門？小定大嗰對呀？
上班族︰咁都要問？我話你知，小！你話地下火車邊有大嘅門？擺明就講緊車門喇！
炳炳︰車站入口都有對門o架嘛，嗰對咪大囉……
上班族︰車站入口對門點會壞！
炳炳︰此話何解？
上班族︰如果車站入口對門壞咗，出事嘅時候仲點閂門封站呀！
炳炳︰@@#$%%^^
李衞
