正所謂事不過三，但財爺「鬍鬚曾」曾俊華任內計錯數豈止三次，最近為咗新一份財政預算案「減甜」造勢，佢不停出口術靠嚇，繼續大玩「狼來了」伎倆。啱啱又揭發佢報大數，施政報告嘅扶貧開支吹大到二百億元，實則只係增加七十億元，錯到咁離譜，佢無非想繼續做守財奴啫！政府話要紓解民困，但佢就背道而馳，到時激起民憤先知衰就太遲喇！
