「前局長周一嶽係咁多局長中最衰，為佢試過跳橋、跳海！」

雞籠空空如也，馬平盛大感無奈。

馬平盛自製健康資訊紙牌，貼在檔口。

說到經營前景，馬平盛雙眼通紅。

馬平盛蹈海死控政府，最終獲救。（資料圖片）

在農曆年期間休市，雞販損失慘重。

噗通一聲，人在水中。雞販馬平盛因不滿當局殺雞，鬱結難宣，在農曆年三十及大年初一兩度跳海。抽筋遇溺，人與夢想被水淹沒，可幸救援人員將他救起。別人眼中的一場「大龍鳳」，只換來社會一絲關注，他多麼希望智者降臨，教他如何守護家業，可是他的心聲，有誰共鳴？

殘舊木製招牌，寫上端正的「馬松雞鴨」，馬平盛說招牌是哥哥寫的。望着招牌下空空的雞籠，還有一張因禽流感而休業的通告，他雙眼通紅。他說雞檔是他的生命，「細個患讀寫障礙，無論幾努力，依然讀書唔成，嗰啲醫生、警察、做生意，我都發過夢想做，但呢啲機會邊有我份？」

先天不足，但志氣不輸，他四歲便跟雙親到雞檔學師。「當時未有舖頭，只係擺街，四歲學穿牌仔，幫客人對牌拎雞，十歲學劏雞肚，十二歲已識睇雞嘅質素，會幫客人揀雞，二十歲幾兄弟接手雞檔，我創出賣雞新招，將雞斬件賣，大受客人歡迎。」成長每個階段，他銘記在心。自家雞檔不但養活了數個家庭，也撐住馬平盛整個人生。

最衰周一嶽 死控喚關注

好景不常，九七年一場禽流風波，活雞行業首當其衝，馬平盛的檔口由月入二十萬元變成零收入，「殺雞直接影響活雞售賣行業，但最慘係市民怕咗食雞，甚至怕咗去街市，偏偏每幾年又嚟一次禽流感，我真係好無奈。」

今年禽流感又殺到，政府在農曆新年前狠下殺雞令，馬平盛痛失全年賺錢最佳時機。他今次不啞忍，只因極不滿專家危言聳聽，「前局長周一嶽係咁多局長中最衰，為佢試過跳橋、跳海！今次仲加埋啲專家不斷向市民洗腦，講到香港街市好多菌好危險，仲話雞販會染病，所以我想由尖沙咀游去對面海，想市民聽我哋嘅心聲！」

心聲尚未道出，他先嗌「救命」。「游咗陣全身凍僵，我事前未食嘢，所以求救。」不消一分鐘，他已被救援人員救起。說到這裏，他雙眼通紅，淚水奪眶而出。「我為救援人員帶來麻煩，所以我道歉，點知佢哋安慰返我轉頭，話唔緊要，仲叫我唔好去跳樓，因為驚救我唔番。」這番話為他帶來一陣暖流，感激人間有愛。

「仲未有得賣呀？」突然傳來一位太太的聲音，距離復市尚有數天，生意如何仍是未知數，但無論如何，他坦言不會再跳海，因今次已是五年內第四次死控當局，擔心會為救援人員再製造麻煩。