就喺少膽虫忙到死嘅時候，淫賤黎傳來短訊，「見你咁辛苦，我下面畀你食！」少膽虫睇到眼都凸埋，只見淫賤黎喺房外不斷拋媚眼，真係唔知點算好。呢個時候，少膽虫手機又響起，淫賤黎再留言，「好喇，食完你就正式成為我幕后……」
少膽虫堂堂一個男子漢，點可以做后？真係若為尊嚴故，腦腫都可棄！於是少膽虫走入淫賤黎房，「腦細，我唔可以接受！」淫賤黎略有怒色，「你敢拒絕我？」少膽虫勇字當頭，「係！」
「既然係咁，我唔勉強你，呢個機會就留番畀肥豪。」肥豪亦隨即入房。正當少膽虫鬆口氣之際，淫賤黎拎咗碗麵出嚟，「肥豪你慢慢食，以後你就做我軍師。」少膽虫不明所以，「腦細，唔係下面咩？」「依家我咪下麵畀肥豪食囉！」淫賤黎不耐煩道。「咁幕后呢？」少膽虫再問。「當然係幕後軍師喇！」少膽虫晴天霹靂，「腦細，好哋哋做咩用簡體字呢？」淫賤黎一巴車落少膽虫度，「你仲話係腦腫，依家連大學入學筆試都用簡體字，咁你都唔知？依家我決定《爛果》繁簡並用，追上潮流！」
第二日，《爛果》一則關於天氣嘅標題「干（乾）了一周 終於濕了」。
第一手消息請下載on.cc東網少膽虫
