爭議重點
1 隨團隊醫
呂品韜︰「今次我哋無隊醫啦，其實我哋每一次都有講過，個回覆好似就話，香港隊嘅名單已經滿咗。」
彭沖︰「我根本唔知道有呢個要求，亦都無收過書面申請。」
王敏超︰「我聽彭沖講話佢哋有要求話要申請隊醫。」
2 隨團名額
彭沖︰「一個運動員只係可以派一個教練，我哋將自己一個官員嘅位讓咗出來，讓葉小姐去，你問吓葉會長（主席）肯唔肯讓個位，出嚟畀隊醫，我哋唔會反對。」
滑冰聯盟︰「根據國際奧委會嘅參賽名額規則，教練同領隊係有責任照顧運動員，即係呂碩同葉小燕，所以彭先生嘅講法唔係好正確。」
3 輸掉比賽
呂品韜︰「咁我唔會全部賴晒係腳傷，咁係我自己水準唔夠。」
王敏超︰「我自己做過運動員，可能有啲時候達唔到成績，希望有其他原因講埋出來，就變咗責任唔喺自己度。」
4 沒有探望
呂品韜︰「我哋代表香港，訓練嗰時，正常都會嚟望吓，過來關心吓，『準備成點？』，其實都無囉！唯一一日嚟，就係有電視台採訪我嗰日。」
彭沖︰「係咪要我每日去到嘅時候都打躬作揖咁問候去請安。咁係咪咁就表示到關心？佢要睇冰球，我哋馬上就安排。佢要去shopping（購物），我哋馬上就安排車，唔通呢啲唔係關心？」
