早排日劇半澤直樹旋風席捲香港，大家開口埋口都引用佢喺劇入面名言，估唔到平日出名忙到爆嘅豐盛金融資產管理董事黃國英都有追呢套劇，仲食正個熱潮用「十倍奉還」嚟做今年六月talk show嘅主題。

黃國英（圖）話用堺雅人飾演嘅半澤直樹金句「十倍奉還」，只係配合番talk show主線嘅噱頭。

半澤直樹

佢話有個客知道今年嗰主題，喺農曆新年時親自寫咗「馳騁股壇　十倍奉還」嘅揮春畀佢賀一賀先。如果投資可以十倍奉還就好囉，佢係咪以呢個倍數為目標呢？佢笑言，呢個只係配合番talk show主線嘅噱頭，查實今年投資好高難度，難做過舊年，主要因佢管理嘅資產規模大咗，加埋概念好嘅股票已升咗好多，唔好嗰啲佢又覺得個股價唔會點升。舊年黃生隻基金回報有近百分之三十二，踏入一四年，港股表現好似就麻麻哋。佢話依家管理資產近十四億元，到目前為止佢隻基金表現暫時打和，算係唔錯添！

所以，十倍奉還只係配合番talk show主線嘅噱頭，今年會講吓賺大錢方法。佢仲話到時會喺伊館搞，但只得一場，到時會請三百個客戶嚟聽。

第一手消息請下載on.cc東網iPhone/iPad/Android/Windows Phone Apps