市民愈來愈重視健康，好多人都話要戒食牛肉，但中華總商會會董張俊勇戒食牛肉嘅原因就非常特別，佢話因為受到感召，由舊年十一月開始戒食牛。但作為茅台之友協會理事嘅佢當然會飲茅台酒，但未聽過佢會連茅台都戒埋。

張俊勇

話說張俊勇尋日食飯期間，當食到一味有牛肉嘅餸菜時，就突然大叫話：「破咗戒！」原來佢已戒食牛肉三個多月，緣於早前同朋友去廣西食和牛火鍋，本身係食肉獸嘅佢梗係猛食啦，點知當佢放咗塊牛肉入口後，突然感覺到隻牛嘅痛楚，又感覺到隻牛流緊眼淚，內心覺得好難受，自此就決志戒食牛肉喇，可能呢啲就係calling（感召）咁話。佢仲覺得自己遲早都會成為素食者。

第一手消息請下載on.cc東網iPhone/iPad/Android/Windows Phone Apps