立法會議員「鼠王芬」梁美芬向來惹火，近日佢又被人惡搞，有人喺旺角弼街掛咗張印有佢肖像嘅橫額，當中鼠王芬以米老鼠頭飾示人，橫額仲寫上「鼠王BB，包你想試！」而且仲有個心心圖案添，好有色情廣告風格。自言見過大場面、身經百戰嘅鼠王芬話已經叫同事影咗相同報警，仲話新年搞gag冇所謂，但就唔好咁猥褻囉！明年就係區議會選舉，早前民協「老虎仔」廖成利就自比「山貓」，話嚟緊會「山貓滅鼠」，鼠王芬就反駁，話從政嘅人未起步就諗狙擊，視野好短淺囉！
（互聯網圖片）
