文化，係要經過時間累積而成的，同樣，一個優良的品牌名聲，亦要靠長年累月的建立，By the way，更須有優質的文化支撐，否則，沒法得到認同和持續下去！

香港由小漁港，變身成國際大都會，全因有一代又一代的人，刻苦勤勞打拚「構成」的！百多年來，此蕞爾小島，生產出一個又一個馳名中外的名牌，渣打馬拉松嘉年華就是其中一個靚絕全球運動界的品牌，而且，辦得愈來愈好。十多年來都由香港政府最高層的特首主持起步禮，以示隆重；今屆，呢個香港廢柴政府卻食錯藥，竟派個不受市民愛戴的低級局長做主禮人，真失禮「渣馬」國際級地位，此舉，算得係矮化了成個盛事。

老老實實，堂堂特區政府，都不至於派件芝麻官嚟弱化個國際大事啫！衰極仲有三個司長o架！唔通佢哋又有大事要做？咁就要（目及）住佢哋三條高官當日做乜Q嘢喇！

話明呢個長跑係「嘉年華」，咁就要開開心心地玩吧！嗱！各位有份參加的「選手」或團體，好應趁這日玩番轉，像外國嘉年華遊行咁！奇裝異服，身披五色彩旗，嗱，可以係「太平山獅子旗」啦，「獅子山龍旗」啦！又可以成隊人同着「反佔中」或「支持蝗蟲襲地球」的T恤，也好玩吧！

記住，當日起步時，勿舉機自拍，但可以齋噓爆，噓一聲才出發，爽極！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps