SUN搞作：網絡小說：可笑還是可悲
「我哋緣已盡！」妻子突然提出離婚，港男不知所措，只有苦苦哀求。「老婆，我日做夜做，成份糧畀晒你，仲想我點？」港男委屈地說。「你份糧有幾多？衣食住行樣樣錢，我唔想餐餐清，我想住貴樓，你畀到我咩？」妻子說得理直氣壯，港男在困局中仍不失幽默：「下個月又加租，仲唔算住貴樓？」
妻子不想多費唇舌，拖篋開門乾淨利落。港男回想當初，頂住家人壓力迎娶內地新娘，豈會想到今天下場？他試圖力挽狂瀾，他希望她回心轉意：「出面風大雨大，去得邊？我雖然搵得唔多，都叫有份正職吖，兩公婆捱吓捱吓，好快捱出頭！」妻子一聽，先是不屑，忍不住又回話：「你睇吓我同鄉，嫁個老公幾聰明，做散工拎綜援，一年去幾次旅行，你？慳啲啦！」港男這半生，都相信自食其力值得自豪，直至這刻，信念崩潰了。
生活還是要過。經過農曆新年假期，港男案上積下不少待審批的申請。是的，他負責審批綜援。他了解，堆積如山的申請中，存在真正需要幫助的人，但也了解，他正用自己卑微的權力，去炮製一些活得比自己愜意的受助人。
