SUN搞作：少膽虫手記：「做數」
壹全霉捱轟日日新鮮日日甘，少膽虫每日返工如上戰場，但《爛果》條數仍然慘不忍睹，少膽虫又有計仔，梗係叫班細嘅去做啦！少膽虫呢？就唞吓氣，喺天台度歎咖啡、曬太陽……
「弊啦弊啦，好大陣燶味呀！」合埋眼嘅少膽虫突然聽到淫賤黎把聲，當堂嚇咗嚇，淫賤黎驚驚青青話：「虫，你聞唔聞到有味？」少膽虫作狀索兩索、望兩望，「係喎，真係有燶味！」「公司無啦啦有燶味，嗰邊仲出黑煙，發生咩事？」少膽虫異常地冷靜：「無事嘅，可能係煲燶咗嘢，或者係堆填區傳過嚟嘅呢！」
燶味愈來愈強烈，「慘啦！啲紙燒極都仲有……」膠蘇邊大叫邊衝埋嚟，淫賤黎見膠蘇成身黑忟忟，污糟邋遢，一手捉住膠蘇不禁問：「搞邊科呀？」「腦細，啲霉紙日日都有幾萬噸剩，腦腫話唔好嘥，BBQ燒嚟用……」淫賤黎頓時大感錯愕：「乜話，燒啲霉紙？唔怪得呢兩日《爛果》條數靚咗啦！」少膽虫心知穿咗煲，老實咁話：「人哋學校舊嘅機密資料都係焚燒解決，《爛果》條數一樣可以，仲拎嚟燒嘢食用，認真環保！」
