SUN搞作：網絡小說：大殺傷力武器

「總統先生，呢個就係我哋傾全國之力研製嘅機械戰士。現代科技化學戰爭，士兵只係紙老虎，但係機械戰士就可以喺極度惡劣嘅環境下保持戰力，絕對係百毒不侵，很想要吧！」國防部長說得興奮，但見總統先生呵欠連連，立刻加多兩錢肉緊：「總統先生，呢個機械戰士，除咗用電力推動，仲可以食重金屬補充體力。仲有，佢對一切化學物質皆有抵抗力，亦可輕易駕馭極端氣候……」

「夠喇！」總統先生拍枱怒吼，嚇呆國防部長。「叫你研究大殺傷力武器，你整啲咁嘅嘢出嚟？食重金屬補充體力？對化學物質有抵抗力？好威咩？人哋強國人日日都食落肚啦！咩駕馭極端氣候咁巴閉？強國人日日喺灰霾底下生活，你隻機械戰士得唔得？」總統先生罵到氣咳，國防部長無地自容，研究大殺傷力武器計劃，亦只好暫時擱置。