SUN搞作:SUN官場現形記:佗衰家
廉署防貪處前線又出勤,教導公務員收禮要注意嘅嘢,不過咪又遭人冷言冷語。
前線:如果有人送啲名貴嘢畀你哋,唔好亂咁收嘢呀!
公務員:係嘅係嘅!
前線:例如茅台靚酒,最好咪收喇!
公務員:係嘅!收到!識做嘅!
前線:之不過收嘢食好似魚蛋牛腩呢啲,都唔可以超過一千蚊!
公務員:知道喇!
前線:仲有呀,出席一個活動嘅使費記住一單過,千祈咪分單開數!
公務員:得啦!講夠啦!
前線:咦?
公務員:你哋個前專員貪湯分單開數,又亂用公帑搞飲宴,乜你仲咁厚面皮教我哋做嘢?
前線:講得好,所以厚面皮嘅貪湯就可以收,即係「收皮」!