SUN搞作：網絡小說：有口話人冇口話自己

「佔終為乜？影響經濟點算好？」元秋一臉激昂。「難得有得休息吓，放鬆啲喇！」身邊人輕拍元秋膊頭。不過，元秋並未因此而平靜下來，「成日就話啲同胞撒野唔文明，依家佔終又好文明咩？有咩咪飲啖茶，食個包，坐低慢慢傾囉！」

身邊人見元秋火氣未消，嘗試轉移話題，「唔好再咁勞氣喇，你睇個天幾藍，周圍啲風景都特別靚。」元秋一聽「天」字，又再次施展「獅吼功」，「真係無法無天！佔終嘅人話佔就佔，賴死唔走，都唔知自己影響人，乞人憎！」「其實，佢哋都係為市民出番啖氣啫……」元秋聽到狠拍欄杆，「計我話，佢哋想為自己出風頭就真！」

正當元秋大發雷霆之際，有人急急走過來，「元秋，我哋選你幫我哋出番啖氣呀！我哋無得登岸觀光……」只見元秋眼有淚光，大義凜然道︰「豈有此理！咩心情都畀佢破壞晒！放心，為咗大家，我一定會抗爭到底，如果無合理賠償，誓死唔落船！」