百仁基金喺下個月舉行慈善跑，幫香港盲人體育總會籌款。百仁基金副主席Roger顏志永、陳稼晉同Anthea羅詠詩日前拍住為活動瞓身宣傳。

顏志永（左起）、羅詠詩同陳稼晉瞓身支持慈善跑。

Roger話早就同太太及囝囝報咗名參加三公里親子組。佢哋舊年已參加過一次，但當時囝囝仲細，要推住架BB車行，所以跑咗一公里就放棄。今年囝囝可以拖住行，相信今次應該難唔到佢哋。

Anthea就話農曆新年期間拜年活動多，食咗好多嘢，今次馬拉松正好畀個機會佢操番fit。至於曾做過機師嘅陳稼晉，體能當然好好，今次唔使點練都可以順利完成賽程喇！

第一手消息請下載on.cc東網iPhone/iPad/Android/Windows Phone Apps