SUN搞作：打橫嚟講：惡俗品味的大學生

看到這段短片，只得三隻字：「作嘔」、「慘不忍睹」、「肉麻當有趣」、「屁股指揮腦袋」和「科大校長你點睇」！

呢班高矮肥瘦俱存宅男扮女的麻甩仔，假假地都中學畢業啩！究竟，你哋知唔知乜嘢叫做「惡俗」o架？香港教育真弊，唔單只出產一群高分低能無知反智嘅腦殘學童，仲孕育出成棚無品味嘅Cheap精！

「品味」，呢家嘢，無法「量化」解釋，係要靠社會氛圍薰陶的！乜嘢土壤，就種出乜嘢果實。睇見呢班貌似易服癖的怪人，一個二個樣貌巖巉就知乜事。

佢哋還敢表示，咁做係「秉承動漫的惡搞精神，從而向大家推廣動漫文化，並透過不同宣傳方法，拉近大眾與動漫的距離」喎！

喂！睇完你班友咁惡頂嘅怪行，仲有人敢睇動漫？

唔止「動漫文化」畀佢哋玷污了！連「惡搞精神」亦被蒙羞啦！醜男扮不成索女，唔一定肉酸嚇人的。嗱！周星馳電影中的「如花」，從來無人鬧佢核突無品味，相反，仲好可愛、好頂癮添！

科大呢班男生還不知衰的說「今次係佢哋首次公開宣傳，正摸索大眾的口味，並會吸收不同意見，作將來更完善的修改」，如斯「有商有量」的語調，直情恍如香港廢柴政府的官僚口脗，真前途似錦。

香港的教育，就是專門生產如斯質素的腦殘分子！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府