小威生於清貧家庭，生活捉襟見肘，惟一家溫飽尚算無憂。今年小五的小威讀書用功之餘，更相當孝順。為了給快到生日的媽媽一個驚喜，小威省吃儉用，終於儲到七十元，可以買一罐媽媽愛吃的曲奇。

拿着積蓄來到餅店，豈料店員說曲奇已沽清。小威惟有失望離開，走了幾步，就見附近一間士多的老闆向自己招手︰「小朋友想買曲奇？我呢度有！」小威大喜︰「我要一罐！」老闆笑說︰「多謝百二蚊！」比原價貴近倍，小威無奈作罷。

翌日，小威一早來到餅店，惟門外已有長長人龍。眼看又要空手而回，卻見人龍中一個老婦向自己招手︰「小朋友想買曲奇？企我後面啦！」小威連忙跑過去，老婦笑說︰「買位四十蚊！」小威又惟有作罷。

當晚，小威痛定思痛，在餅店外通宵排隊，終於買到曲奇。小威歡天喜地拿着曲奇回家，豈料媽媽一見，就給小威兩記耳光。「敗家仔！」媽媽雙眼噴火︰「買到曲奇梗係即刻放咗佢啦，賺成幾十蚊o架！真係生舊叉燒好過生你！」

第一手消息請下載on.cc東網iPhone/iPad/Android/Windows Phone Apps