「佔終萬歲！」淫賤黎晨咁早就急call少膽虫，話有重要任務託付，原來又係幫佢老死鐵頭仁吶喊助威。「少膽虫，仲成碌木企喺度？叫你嚟做旗手呀！」淫賤黎叫喚。少膽虫不情不願，準備扯起旗幟，誰不知佔終支旗都未扯起，就畀人一下扯番落嚟……

「邊個？邊個敢阻住我支旗挺起來？」少膽虫一副硬晒軚嘅樣，無他，全因腦細企喺隔籬，點都要扮吓嘢。少膽虫回頭一望，群情洶湧，「辭職！辭職！」勢色唔對路，少膽虫當然即刻縮喺淫賤黎後面，「腦細，找你老死晦氣，會唔會殃及我哋o架？」

只見淫賤黎挺身而出，大呼一聲︰「咪住！」少膽虫估都估唔到，淫賤黎會為咗鐵頭仁而咁英勇。「鐵頭仁，一早叫你為民煮犧牲，辭職引發公投，淨係掛住做呢啲門面工夫係無用o架！」淫賤黎倒戈之快，真係令少膽虫驚嘆不已。淫賤黎繼續扮晒大仁大義，「身為朋友，同你講飯民要團結，唔好搞分化，但你硬係要自己人打自己人！」正當鐵頭仁以為自己九死一生嘅時候，示威者就喺鐵頭仁面前直行直過，反而停喺淫賤黎面前，「《爛果》污染全港市民，淫賤黎即刻辭職！」

淫賤黎喺人群中，試圖搵鐵頭仁救援，可惜鐵頭仁早就夾住尾巴，消失得無影無蹤……

第一手消息請下載on.cc東網iPhone/iPad/Android/Windows Phone Apps