餐飲業四大商會為響應「築福香港」運動，尋日喺荃灣一間酒樓宴請逾百位長者飲杯茶、食個包，身兼扶貧委員會嘅政務司司長林鄭月娥畀面出席陪食。但「築福香港」尋日接連安排兩場活動，林鄭畀足面由灣仔趕到荃灣，遲晒大到，成班長者面對眼前美食睇得唔食得，認真陰功。林鄭趕到現場後即宣布起筷，冇招呼同枱等咗佢好耐嘅公公婆婆，就自己大啖大啖係咁食，最後食剩個包同蘿蔔糕就走人。新正頭就帶頭做大嘥鬼，認真教壞細路。
林鄭食剩個包同蘿蔔糕就走人，正一大嘥鬼。
