有低B仔問：為何香港人要捍衞廣東話？又問：為甚麼要捍衞香港廣東話為法定語言？（上述兩條問題，乃用蝗蟲語發音的！）

哦！很簡單啫！廣東話係全中國語文內，最優秀、古雅、有文化之翹楚表表者，睇住佢被矮化、邊緣化，甚至被政治殲滅，作為有血性的華人，怎可不挺身捍衞？第二，若香港廣東話沒有法律地位，那在行政、立法和司法機關無晒法律效用，咁唔只廣東話玩完，又即係《基本法》所講過啲嘢亦可廢了唔算數也！咁等同宣布香港特區正式收皮也！

嗱！一群裝睡，或真係懵閉閉十吓十吓的立法會議員，唔該立刻提案動議，將廣東話立法確定為香港法定語言，咁除咗對得住自己列祖列宗外，仲一定取得港人歡心的選票呀！

日前，呢個香港廢柴政府教育局一篇打壓廣東話的反智劣文，被全球華人喊打後，匆匆「下架」毀屍滅迹，而網民也即時興高采烈地歡呼「勝利了」，喂！請勿過早開心，唔該要仔細睇清楚教育局的「歉意聲明」先吧！教育局只說：「當中有關『廣東話』的註釋出現含糊不精准（正字應係「準」）的地方，會盡快修訂，就引起的誤會深表歉意。」嗱！呢啲咪係偽術語言囉！乜嘢「註釋出現含糊不精準」啫！正確地說，係「大錯特錯」呀！市井蠱惑仔都懂：「錯就要認，打要企定」啦！身為政府部門，居然仲玩虛偽，瞞騙大眾，真卑鄙！

香港廢柴政府還信「謊言講一百次，便會成真的」來愚弄港人，白癡到無朋友。香港人，你會受騙嗎？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps