SUN揭秘：舉報拒啞忍老闆讚勇敢

o靚模對抗賤男，男士也勁撐！訪問當日，Alia的公司負責人陳先生陪伴在側。身為老闆，他不懼怕旗下模特兒捲入是非，甚至出言力撐，「佢做得非常之啱，賤男係唔應該姑息！」他眼神堅定，大讚Alia沒有啞忍偷拍狂，十分勇敢，更建議其他曾受性騷擾女士也要有Alia的勇氣。稱讚她的，還有其母親。Alia笑說：「媽咪講笑話『都唔知係你唔好彩，定佢唔好彩！』」意即偷拍狂遇上不平則鳴的烈女Alia，最終落得被貼圖上網的下場。

Alia說這趟勇氣經歷，原來也有激氣時。「港鐵個緊急掣係無用o架！」事緣她在荔景站打開緊急通話器欲與車長報告，但通話器只有轉駁鈴聲，沒人應機，最終偷拍狂於兩個站後逃之夭夭。「緊急通話器無人聽即係虛設，如果係更嚴重嘅事，咁點算？如果佢當時有理我，個偷拍狂就無可能咁易走甩！」她愈說愈火滾，慨嘆失去了捉拿偷拍狂的最好時機，現在只能寄望警方盡快破案。