SUN揭秘：捍衞絲打尊嚴o靚模站起來
張悅（Alia）是平面及電視廣告模特兒，鮮見其八卦新聞。前陣子，她因舉報及追緝偷拍男而成新聞人物。知名度急升，耳邊飄來難聽話語，斥她作古仔、博宣傳。雖然被流言蜚語傷害，猶幸她EQ高，勇敢迎「箭」，聳聳肩道：「件事唔係發生喺佢哋身上，感受一定唔同。」烈女不怕死，勢要捍衞「絲打」（sister）尊嚴。
Alia公開偷拍狂的照片，實行呼籲全城追緝。
從地鐵玻璃幕門反射中，Alia發現被人多次偷拍。
Alia常為不同產品擔任模特兒。（資料圖片）
從Alia的facebook，可見偷拍狂的照片。
坐在娛樂公司辦公室的Alia，絮絮說起在港鐵被偷拍的細節。「佢影咗我好多次，到我入車廂，佢仲行近我再影，我反拍佢，佢居然走嚟問我係咪有誤會！」這件事給她的震撼揮之不去。她當時在車廂大叫「有人偷拍」求助，事後又在facebook張貼偷拍狂的外貌，絕不姑息他。最終偷拍狂未獲制裁，但她卻成為網絡紅人及新聞人物，知名度急升。
浮生世俗，或會有很多價值判斷。當Alia以為這個做法正確，單純地希望能將偷拍狂繩之於法。然而，基於其o靚模身份，不少人諷刺她博見報，又說她張貼他人照片不道德，甚至質疑她編故事，誣衊無辜者。忽然間，原告變被告，對於只有二十四歲的Alia而言，就如天降亂石，鬱結難宣。
「真係幾唔開心，好多人留言鬧我，甚至有其他模特兒喺facebook話我作古仔，不過唔緊要啦，我唔會回應佢哋。」年紀輕輕但EQ極高，她說難過只維持一陣子，「如果我要出名，根本唔使靠呢啲，公司會安排工作畀我做，事實上我工作無明顯增加。」
怕事只會助長賤男惡行
她相信自己沒錯，坦言若今天不舉報，他朝會有更多人受害，這是她堅持報警的原因。「香港好多女仔怕講出嚟（被偷拍）會尷尬、怕畀人笑，甚至怕有人揶揄『你咁嘅樣都有人影？』，最終會啞忍！」性格硬朗、爽直的她，遇到不平事絕不會屈服，慨嘆不少港女怕事，只會助長賤男的惡行，希望今次事件能作借鏡，「講出嚟都有唔少人撐我吖！」
港人善忘，對抗偷拍狂這一役，相信很快會被遺忘。「係啦，呢兩日都少咗人add我（facebook），不過都唔緊要啦，希望警方會繼續幫我捉個賤男。」賤男仍未落網，Alia更希望的，是一眾曾被偷拍，甚至被性騷擾的姊妹，都能勇敢站起來，給賤男們一個教訓。
