馮婉眉（左二）帶隊落分行同大家拜年。
銀行打開門做生意，梗係希望喺新正頭拎番個好意頭。滙豐香港區總裁Anita馮婉眉、香港區零售銀行及財富管理業務主管Diana施穎茵同零售網絡主管Andy韓克強尋日帶隊，落咗銅鑼灣百德新街分行，向分行員工同客戶拜年。
滙豐請咗啲老客戶一齊去分行，順便傾下偈，而且員工又換裝紅彤彤應節，男嘅着唐裝、女嘅着小鳳仙，加埋兩隻醒獅助興，其他分行嘅主管都有嚟，場面認真熱鬧。
記得Diana同Andy年年都會落主要大型分行拜年，提升下士氣，但係滙豐咁多分行梗係去唔晒啦，不過間間大型分行都咁多人，呢幾日都肯定派利是派到手軟。
第一手消息請下載on.cc東網
