SUN驚奇：冇得擺架樓上舖生意重創
旺角行人專用區人流眾多，吸引不少小本經營的樓上舖在附近大廈落戶，並擺放易拉架作宣傳。近日易拉架被嚴格清除，一眾樓上舖即時失去最主要宣傳途徑，生意大受打擊。
經營女性服裝的阿Ken坦言，自清除易拉架後生意急跌八成，現時只有靠熟客光顧。
經營鞋店的楊先生表示，現時要聘用兩位派傳單員，以時薪四十元計，每日八小時派發傳單成本達六百四十元。
「冇咗易拉架，冇晒新客源，生意大受影響！」經營女性服裝的阿Ken坦言，自清除易拉架後生意客急跌八成，現時只有靠熟客光顧。他表示已增聘人手派發傳單，同時投放資金在網上宣傳平台，但尚未見到成效。另一位售賣服裝的楊小姐則對店舖前景表示憂慮：「新措施實施頭兩日都冇開過單，擔心連租都交唔起。」她表示會聯同其他店主爭取與業主商討減租，或考慮合作宣傳，改善人流稀少的情況。
「依家宣傳方式有限，成本又高，咁搞法不如做番地舖！」售賣旅行用品的張小姐表示，不少港人及遊客都偏愛樓上舖，認為較地舖價廉物美。但她承認如果要再增加宣傳成本，將與地舖租金相若，最終只好轉回地舖。
