SUN搞作：網絡小說：無晒活雞
有一日，辛勞嘅農夫跌晒一堆養嘅雞落河，喺佢傷心大哭之際，突然出現一位天使，天使問佢：「請問你跌嘅係金雞定銀雞？」農夫答：「我只係想要番原來養嘅雞！」天使心諗，呢個人真係心地善良，唔想啲雞白白淹死，因此送咗金雞同銀雞畀農夫，等佢安享晚年。有一位好貪心嘅人見到，等農夫走咗之後，趁無人睇到，一嘢用個大網，擸晒所有嘅雞走。
呢個貪心大漢第日拎住堆雞，返番去河邊，逐隻雞掉落河，但係天使好耐都仲未出現，此時，有位市民離遠跑過嚟，大聲叫：「請唔好虐待動物！我報警拉你呀！」貪心佬即刻扮摸雞，懶無辜：「我希望佢哋多啲交流咋，你知活雞無『分流』嘛！」市民立時大怒，謂：「你個無恥之徒令到香港無晒活雞！」賊人即刻抬起頭，起勢地拔雞毛自辯：「無呀！我拔緊毛做冰鮮雞呀，供應源源不絕！」市民怒髮衝冠，大叫：「原來係周一鑊，你收皮啦！」
