SUN搞作：少膽虫手記：唔減甜 可以點

「虫，雖然我哋呢幾年已經剝削咗員工九萬幾次，但係條數爛成咁，惟有效法鬍鬚佬減甜，搵班小職員開刀啦。」唉，少膽虫都係見慣血嘅人，但當下壹全霉脆弱如斯，又點受得起如此打擊？一講到減人工，我諗成個新聞創作部揭竿起義都似，作為腦腫，只好力挽狂瀾：「腦細，要起死回生，唔一定減甜嘅！」

淫賤黎向我投以一個難以置信嘅眼神，老實講，呢一刻我都未諗到點接落去。五秒，十秒，淫賤黎已按捺不住，向我施展連環拳。正所謂創意是逼出來的，我喺暴力對待底下，忽然有計：「腦……腦細，唔減甜，可以加鹹吖！」淫賤黎一聽，雙眼即時發光：「Good idea！但係要加到幾鹹？」少膽虫我一不做，二不休，再吹大佢：「鹹到苦先過癮！我依家即刻去籌備，總之就係《爛果》當鹹書賣，務求包膠袋出街！」淫賤黎對建議非常滿意，叮囑我盡快辦妥。少膽虫作為腦腫，喺新正頭幫下屬化解咗一次減薪危機，都算係功德無量。