SUN搞作:SUN官場現形記:邊有人講廣東話
吳得掂主管嘅窖辱局「廣東話風波」搞出個大頭佛,山草藥亂咁噏,人人得而誅之,吳得掂惟有硬住光頭皮嚟搵李衞求救……
吳得掂:Help!Help me!今次大鑊喇!
李衞:廣東話單嘢呀?你唔搵你奶媽?
吳得掂:Yes呀!咁你話晒識咁多傳媒人,想搵你望吓啲PR做得o唔ok啫!
李衞:咁你想點拆?
吳得掂:我諗住幫政府挽回民望,強政勵治,行政主導,死不認錯!
李衞:咁點應付啲反彈聲音呢?
吳得掂:好簡單,我立即叫考評局考核香港人廣東話口語!
李衞:有乜用?
吳得掂:咁咪會發現97%人都好似我咁,粵英夾雜,即係無人講廣東話,自然唔係法定語言喇!
李衞:@&&^#!^&@你認錯算罷啦!